بنت الساحل
«ღ» صادق الود «ღ»
عدد الرسائل : 359
وصفـ حالتـك : 
تاريخ التسجيل : 10/01/2009
 |  موضوع: أحلى غزل  الأربعاء يناير 28, 2009 2:50 pm | |
| ][][ أحلى غزل ][][
هذه خاطرة .. كتبها أبو كريم على جدار مدرسة السابعة والسبعون المتوسطة ... وهي مدرسة الآنسة هيلة ...
كتبها بعد أن غمر قلبه الحب ... حب محبوبته هيلة ... فإليكم هذه خاطرته ... كما كتبها ...
هيلة
حبيبتي ... يامصيبتي ... ياسعبولتي ..
مالي اراك دوما بالحوش منسدحه ..
والبساسه من حولك منبطحه ...
الا ليتني امزعك .. الى ان تصيحين ..
ما أجملك وانتي بالزنوبات تركضين ..
انتي بين الفتيات ....
هم حبوب الكيرم وانتي الخمسين ..
هم الجحه و انتي السكين ..
انتي الفلته ... وهم مستدلخين ..
حبيبتي ... انتي عسيب نخلة.. بل أنتي ركبة نملة..
انتي لينا وانا عدنان ..
انا سوق الخضرة..وانتي صندوق بردقان..
حبيبتي..تراي جوعان
ياصندوق البردقون...ياغطا جالون....يادعاية صابون...ياسيارة بلا طبلون...ياقمله لازقه بشطرطون..
حبيبتي انا بدونك..
زي طلعة شباب بدون القطه..
زي الغدا بدون سلطه..
زي الشاورما بدون شطه..
زي الكورلا بدون شنطه..
حبيبتي...انتي السكه وانا القطار..
انتي المطرقة..وانا المسمار..
انتي المنقله وانا الفرجار..
حبيبتي..فيه احد ياكل سلطة بدون خيار ؟؟
ياخيارة حياتي...يابويبينة لمباتي..
بالأخير..بسألك سؤال صريح ...
هذي سيقانك...والا مراجيح ..!!
* ياحبيبي ترى حبك رجني رج اللبن ** بديت مافرق هو الكيري قشطه والا جبن
انتهت خاطرة أبو كريم .. وكتب تحتها ...
ك + ه = مجموعة خالية
***
هيلة .. وبعد أن أضناها الشوق .. وتحركت مشاعرها بعد قراءتها لخاطرة أبو كريم العاطفية .. ردت عليه بهذه الخاطرة ...
حبيبي ..
ماذا تبي ؟
ياكثرك.. ياحبي ..
اشتاق لك شوق مهوب بسيط .. حبي ينقط بقلبي تنقيط ..
يابعد براميل شارع التفحيط ..
حبيبي ..
خذني الى الحوش .. لكي نلهو .. ونلعب .. مصاقيل ..
ونسمع اخبار بوش .. واركض قدامك .. وتطلع العصاقيل
حبيبي ... ياشلختن من تسبدي ..
حبيبي ... أنا غيرك مابدي ..
حبيبي .. أنت الجنوط ... وأنا الكفرات..
أنت راس المعسل ... وانا الجمرات ..
أنت الددسن وأنا الصندوق .... انت اللحمه وانا المرقوق ..
ياحبيبي ... يادفتري المشقوق ... احبك كثر البيض المسلوق ..
حياتي بدونك .. حوسة ... والخشة معفوسه ...
وشعري .. شوشة .. والكشة منفوشه .. وبالحوش تلقاني من ابوي مفروشة ..
حبيبي .. ترى نبي كيلو كوسة ..
أتذكرك .. وانا آكل سليق ... كتبت اسمك على غطا بريق ..
انت بدنيتي .. زي الريموت للتلفزيون ... ومثل الغطا للقوطي ..
وبدون شوفك اصير باب بدون كيلون ... وزي النكته بلا حوطي ..
حبيبي .. اذلف انت ووجهك... | |
|
عازف المشاعر
«ღ» إدارة صادق الود «ღ»
عدد الرسائل : 121
وصفـ حالتـك : 
تاريخ التسجيل : 25/12/2008
| |
يســـــــــــــــــــــــــــــــــــــــ بنت االساحل ــــــــــــــــــــــــــــــــــــــــلموا
